Pages

Friday 18 October 2013

දියණියනි මගේ..........


Photo credit: /weheartit.com

සුදු දියණියනි නුබ අප දිවියට ලැබිලා
පහලොස් වසක් ගොස් ඇත නොදැනිම ගෙවිලා
නුබ ලද දිනේ මගෙ හදවත තුල පිරිලා
ඉතිරුන පිය සෙනේ හැමවිට යයි වැඩිලා
   
නුබ කල දෑ සිහිවෙනවා සිඟිති වියේ
සුරතල් කිරි සිනාවෙන් ගේ පිරිලා ගියේ
මහන්සි වී ගෙට ගොඩ වන විටදි රැයේ
නුබ මුව කමල දැක්මෙන් හැම පහව ගියේ
   
මගෙ ලැම මත දිගාවී උණුසුමට නුබ
නිදනා විටදි බිම තැබුමට සිතෙයි ලොබ
පෙන්නා දෙමින් හැමවිට පැත්තක්ම සුභ
ටික ටික වැඩුණි කාගෙත් සුභ පැතුම් ලැබ
   
නුබ ගීතයක් ලියලා එය ගයද්දී
ගිටාරය වයා තව හැඩ දමද්දී
අම්මා එක්ක මා එය රස විඳිද්දී
උපන් කඳුළු සගවමි ඇස පෙලෙද්දී
   
මගෙ සුදු දුවේ මේ ඔවදන් අහගන්න
චරිතය නුබේ ජීවය මෙන් රැකගන්න
කිසිවිට දොසක් නැගුමට ඉඩනොතබන්න
සිහි බුද්ධියෙන් යුක්තව දිවි ගෙනයන්න
   
නුබ දැන් යුවතියකි හැම නෙත් සිත්බඳින
මට නම් සිඟිති දුවමයි මගෙ හද රැඳුන
ලෝකය හරිම දරුණුයි දුදනන්වසන
දිවි මගෙ කැප කරමි ඉන් නුබ රැක ගන්න

8 comments:

  1. මචං,
    උබේ ආදරනීය දියනියට ශුභ උපන්දිනයකට ආසිරි පැතූ බව කියපන්.

    ඔවදන් පිරි ලස්සන කවි පන්තියම රස වින්දෙමි.
    දෝනි ලියා වාදනයත් සමඟ ඉදිරිපත් කල ගීතය ගැන ලියවුනු කවිය කියවූ විට; උබලත් සමඟ එම ගීතය අපත් රසවින්ද බවක් තමා ඇගුනේ...

    - චින්තක.

    ReplyDelete
    Replies
    1. බොහෝමත්ම ස්තූතියි මචං සුභ පැතුමට හා මගේ කවි රස වින්ඳට!!!

      Delete
  2. තාත්තා ලියන කවි සුන්දරයි සුදු දුවේ
    මිහිරිතම කවිවැලක් ඔබ නමිනි ලියලුවේ
    ඒ හිතට කවි මැවෙන තරු මලක් වී දුවේ
    දිලී දිලී බැබලෙන්න සුබ පතමි සුදු දුවේ

    ReplyDelete
    Replies
    1. උඹට ගොඩක් ස්තූතියි තිලකේ!

      Delete
  3. සුබ උපන්දිනයක් වේවා !

    ReplyDelete
  4. නිශාදි දුවට... සුභ උපන් දිනයක් වේවා... සියලු සිතුම් පැතුම් ඉටුවේවා...දිනෙන් දින දියුණුවට පත්වේවා...

    ReplyDelete
    Replies
    1. ගොඩක් ස්තූතියි ජගත් මහත්තයා!!

      Delete