බක් මහේ ඉගිල ගිය සුළං කුරැල්ලා........

දිනෙක මේ සටහන ලියන්නට වන බැව් මම දැන සිටියෙමි. නමුදු එය මෙතරම් ඉක්මනටම ලියන්නට වේවියැයි සිහිනයෙන් හෝ නොසිතුවෙමි. 

හරෑන් මහතානෙණි, මිය ගිය ඔබ ගැන ගුණ ගයන්නට උවමනා තරම් ශෝකවන්නෝ ඇති නිසා මම ඒ කාරිය ඔවුනට බාර දෙමි. ඔබතුමා පුලුවන් කාලයේදී කළ දෑ ගැන කියන්නටත් බොහෝ දෙනෙකු ඇත. ඒ නිසා මම එයත් ඔවුනටම තබමි. 

ඔබතුමා මියගිය පුවතට ලැබුණු ප්රතිචාරයන්ගෙන් සියයට දහයක්වත් ඔබතුමා අවසන් කාලයේ ජීවත්වූ අසරණභාවය කියා අප පළ කෙරෑ ආයාචනා වලට ලැබුණා නම් ඔබට රජ සැප දෙන්නට තිබුණි. 

එහෙත් මිය ගිය ඔබට වඩා අසරණවී ජීවත්වූ ඔබට ආදරය කළ දෑතේ ඇඟිලි වලින් ගැනිය හැකි තරම් සුළු සෘහද කැළකගේ නොමසුරැ ආධාරයෙන් ඔබට අවසන් මාස කිහිපයේදී හෝ යම් තරමක  සහනයක් ගෙන දීමට අපට හැකිවීම ගැන අහිංසක තෘප්තියක් අප හදවත් තුළ ඇත. 

ඒ සඳහා දායකවූ පිරිස මා නම් වශයෙන් හැදින්වූයේ නැතත් ඔබගේ හෘද සාක්ෂිය ඒ බැව් දන්නා බව මම දනිමි. ඒ සියළුම දෙනාට මගේ ගෞරවණීය ආචාරය මේ අවස්ථාවේ පුද කරමි. 

එහෙත් එක් නාමයක් නම් නොකියාම බැරිය. ඒ අපගේ සහන කටයුතු ක්රියාවට නැංවූ කල්යාණි ගොඩමුල්ල සොයුරියයි. ඇය තම අසනීප තත්වයද නොසලකා කළ ඒ කැපවීම ඇගැයීමට මට වචන නැත. 

එකතුවූ එක් ලකෂ හැටදාහක පමණ මුදලින් පසුගිය නොවැම්බරයේ සිට මාස් පතා හරෑන් යුවළට අවශ්ය කෑම බීම සහ රෙදිපිළි කල්යාණි සොයුරිය ඇය ජීවත්වන කෑගල්ලේ සිට කැලණියේ පිහිටි හරැන් මහතාගේ නිවසටම ගොස් බාර දුන්නාය. හරෑන් යුවළ ඇය එනතුරැ පෙර මඟ බලා උන්හ. ජනවාරියේ හරැන් මහතා වෙසෙන නිවස සුද්ධ පවිත්ර කොට නව තීන්ත ආලේප කර දුන්නේද ඇයයි. 

අප සිතා සිටියේ මේ ක්රියාවන් දිගටම කරගෙන යාමටය. එහෙත් කෙදිනක හෝ පැමිනෙන මරණය අද උදෑසන පැමිණ තිබිණි. 

හරෑන් මහතාණනි ඔබගේ වියෝව සංගීත ලෝකයට පාඩුවකි. සැමටම දුකකි. එහෙත් මේ බවයේ අවසන් සමයේ ගායනය තබා වදනක් කතා කර ගැනීමට හෝ බැරිවී අන්ත අසරණවූ ඔබට මේ නික්ම යෑමෙන් යම් තරමක හෝ සහනයක් ලැබිනි යැයි සිතා මම සතුටු වෙමි. 

කතා කළ නොහැකිවූවත් ඔබගේ කන් හොඳින් ඇසුණි. දෑස් පුළුවන් කාලයේදීට වඩා හොඳින් පෙනුණි. දෑස් වලින් කතා කළ ඔබට නැති බැරිවූ දා පිටුපෑ මේ කුරිරැ ලෝකය ගැන කුමක් සිතෙන්නට ඇතිද?

දැන් සියල්ල අවසානය. ජීවත්ව සිටියදී ඔබ අමතක කළ ලෝකය ඔබගේ මළගම ගැන තව දින කිහිපයක් කතා කරණු ඇත. ඉන්පසු ඇත්තේ හිස් බවක් පමණි. 

ඔබගේ සෙවනැල්ල මෙන් දුකේදීත් සැපේදීත් එකට සිටි හරෑන් මැතිණිය අද මෙලොව තනිවී ඇත. දරැවන් නැති ඇයට කාගේ පිහිටක්ද? ඔබ උදෙසා එකතු කළ මුදලේ ඉතුරැ වී ඇති මුදල් අප ඇය අතට පත් කරන්නෙමු. රට කරවන ඇත්තන්ගේ හෝ කවුරැන් හෝ දානපතියෙකුගේ පිහිට ඇයට ලැබේවා. 

අවසාන වශයෙන් අද සදහටම අපෙන් සමුගෙන යන ඔබට මම මෙසේ ආයාචනා කරමි. 

"හරෑන් මහත්තයා මේ සසර කතරේ ඔබ නැවත උපන්නොත් ලංකාවේ නම් උපදින්න එපා. "

ඔබට සුබ ගමන්!

චන්දන ගුණසේකර - එක්සත් රාජධානිය

මාස්ටර් සර් නික්ම ගියේය.........

අපේ කාලයේ ලංකාවේ පමණක් නොව ලෝකයේම ප්රසිද්ධ මෙන්ඩිස්ලා කිහිප පොලක්ම වූහ. මෙයින් මෙන්ඩිස්ලා තිදෙනෙකුම මහා වැඩ කරැවන් වූයේ ක්රිකට් පිටියේය. 

70-80 දශකයේ පිත්තෙන් බෝල පැලූ දුලිප් එක මෙන්ඩිස් කෙනෙකි. ඉන්පසු මෑත කාලයේදී ක්රිකට් ලොව පන්දුවෙන් දඟ කැවූ අජන්ත හා ජීවන් අනෙක් මෙන්ඩිස්ලා දෙදෙනාය. 

මේ අතර පොල් වලින් පෙරෑ ' මෙන්ඩිස් ස්පෙෂල්ද' මද පමණින් පානය කළ බොහෝ දෙනෙකු වෙරි මත හිඳෙන තුරැ සිතින් මෙන්ඩිස්ලා වූහ. 

මා කියූ මේ මෙන්ඩිස්ලා සමාජයේ වැඩ පෙන්වද්දී තවත් මෙන්ඩිස් කෙනෙකු වැඩි කලබලයක් නොමැතිවම ජනතාවගේ හදවත් තුළ ලැගුම් ගෙන සදා එහි රැඳෙන්නට සමත් විය. 

වැඩිය කැපී පෙනෙන්නට නොආ ඔහු වැඩ පෙන්නුවේ සත් සරයෙනි. බටහිර සංගීතය හා සම්මිශ්රව හෙල සංගීතයේ නිම් වළලු පුළුල් කළ එතුමා රැල්ල යන දිශාවට නොව උඩුගං බලා පීනුවේය. සිංහල සංගීතයට නව මානයක් එකතු කළේය. 

මේ මෙන්ඩිස් නම් අප සැවොම ආදරය කරන නිමල් මෙන්ඩිස්ය. 

එතුමා තනු නිර්මාණය කළ 'මාස්ටර් සර් 'ගීතය, අමරදේවයන්ගේ ගායනයට නැවුම් වෙනසක් එකතු කළ 'නිම් හිම් සෙව්වා' ගීතය, ගඟ අද්දර සිනමා පටයට නිර්මාණය කළ ' ගඟ අද්දර ' ගීතය එතුමාගේ අමරණීය නිර්මාණයන්ගෙන් කිහිපයකි. 

එතුමා ගීත රාශියක් නිර්මාණය කළ අතර ගඟ අද්දර, ගැහැණු ළමයි, බැද්දේගම , The God King, White flowers for the dead යන චිත්රපට වල සංගීතය අධ්යක්ෂණයද කළේය. 

සිංදු ලිවීමෙහිද දක්ෂයෙකු වූ මෙතුමා සංගීත නිර්මාණ සඳහා සම්මාන රාශියක්ද දින ගැනීමට සමත් විය. එතුමා ඉංග්රීසි බසින් ලියූ මාස්ටර් සර් සහ yesterday today or tomorrow යන ගීත සිංහලට පරිවර්තනය විය. Yesterday today or tomorrow ගීතය සිංහලට නැගුණේ නිම් හිම් සෙව්වා මා සසරේ නමිනි. 

1968 වසරේදී එංගලන්තයේ BBC සේවාවේ Top of the pops ජනප්රියම වැඩසටහනට දායකවීමට පවා එතුමාට හැකිවිය. 

වසර 33 ක් එකට යුගදිවිය ගෙවූ සිය ප්රිය බිරිඳ 2010 දී ගිය ලොව වෙත එතුමාවත් ගෙන යාමට රැඳුරැ මරැවා අද අප්රේල් දහසය වෙනිදා උදේ තීරණය කොට තිබිණි. එය ජීවත්වන අපට මහත් දුකක් පාඩුවක් වුවද එතුමාටනම් සැනසිල්ලක් වන්නට ඇත. 

එතුමා ගැන සටහනක් එතුමා අප හැර යන තුරැම ලිවීමට නොහැකිවීම ගැන මට ඇත්තේ මහත්මවූ කණගාටුවකි. 

බොහෝ කලක් ලන්ඩනයේ විසූ එතුමා මිය යන විට අසූ එක් වියෙහි පසුවිය. 

මේ නිමක් නොමැති සසර කතරේ යුගයෙන් බැඳි යුගයේ අප හමුවන තුරාවට ඔබට මම සමු දෙන්නෙමි. මාස්ටර් සර් ඔබට සුබ රාත්රියක්!

චන්දන ගුණසේකර - එක්සත් රාජධානිය

එලැඹෙන අවුරැද්ද.........

ලබන්නා වූ සිංහල හා දමිළ අලුත් අවුරැද්ද මගේ සහෘද මිතුරැ හා නෑදෑ කැළ  ඇතුලු ශ්රී ලාංකිකයින් සියලුම දෙනාටම සුබම සුබ අලුත් අවුරැද්දක් වේවා!!

දස අතම සුවඳ දෙන මලින් තුරැ   වැසුණා

සවන් යුග පිනා යන කොවුල් නඳ  ඇසුණා

කැවුම් අතිරස බැදෙන දසුන් හිඟ  නොවුණා

බක් මහේ ජය මඟුල ළඟම බව දැනුණා

කෙතේ බැත නෙළා ගත් ගොවිඳු අටු පිරැනා

කජු ගසේ පුහුලමින් අතු බිමට නැමුණා

කෙසෙල් කඳ කැන පුදා පොලවටම වැටුණා

මුල්ලෙ සිටි රබානත් කරළියට  ඇඳුණා

කොහේ සිටියත් ගමට යන කලයි එලැඹුණේ

අතේ මලු පුරවගෙන නිවසටයි ගොඩවුණේ

නැතේ කවුරැත් නුවර පාළුවයි රජවුණේ

ගමේ හැම ගෙදරකම සිනහවයි පැතිරැනේ

සැම අතම සමගියේ සඳ කිරණ විහිදුනේ

අරෝවක ලකුණකුදු කොහෙත් නැත දිස්වුණේ

ඇයි මෙලෙස හැම දිනම වසන්නට බැරිවුණේ

සිත පෙලන එම පැනය මෙවරදිත් මතුවුණේ

මෙම නිර්මාණය එතෙර මිතූරැ කවි පන්හිඳේ පද්යාවලිය වැඩසටහන සඳහා ඉදිරිපත් කරන ලදී. 

චන්දන ගුණසේකර - එක්සත් රාජධානිය

අවුරැදූ සිහිනය.......

වසන්ත සමයත් උදාවෙලා ඇත එරඹදු මල් නම් නෑ දැක්කේ

මලක් පිපෙන්නට ගසක් තිබේවිද ඒ හැම දර වලටයි වික්කේ

වෙනදට නද දෙන කොවුලා නිදිවද කූජනයත් නැහැ අරැමැක්කේ

කැවුමේ කොණ්ඩය ගන්න කෙනෙකු ගැන උඹවත් කියපං මැගි අක්කේ 

කජු ගස් මැරිලා වැහි නැති සමයෙදි පුහුලං කොයින්ද ඒ අකුලේ

රබාන ඇඳ යට දුහුවිලි නාගෙන කිසි කළ එළියක් නෑ ගෙපැලේ

රස්සාවක් නැත අග හිඟ ඉහ උඩ අවුරැදු කොයින්ද මගෙ පවුලේ

මීන රාසියෙන් මේෂ රාසියට හිරැ යද්දී දුරැවෙද අපලේ

අටු කොටු පිරිලා අත මිට සරැ විට සැමදා අවුරැදු ඒ පැත්තේ

බක් මී යායෙම මල් වැහි වැහැලා බඹරැන් රඟ දෙයි හැම අත්තේ

ගස් හා වැල් ඵල බරින් පිරී ඇත වතු පිටි දෙව් ලොව සිරි ගත්තේ

රෑ දුටු සිහිනෙන් අවදිව බැලු සඳ පැදුරින් බිම වැටිලයි ඇත්තේ

මෙම නිර්මාණය සඳස සිය හඬ ගුවන් විදුලියේ අවූරැදු මතක වැඩ සටහන සඳහා ඉදිරිපත් කරන ලද්දකි. 

චන්දන ගුණසේකර - එක්සත් රාජධානිය

ආදරණීය කපූගේ..........

 

මෙම සිතුවම මා වෙත ලබා දුන් චානක ඩයස් සොයුරාට මගේ ස්තූතිය!!

රැවක් ඇදෙන තුරැ බලා සිටිමි මම 

කොවුලන් නද දෙන බක් මාසේ

පැලක් නොමැති හේනක තනිවී ඇත ගී ගයනා හඬ නම් නෑසේ

රැයක් ගෙවුණි නින්දත් අහලක නැත අති දරැනුයි සසරෙහි වාසේ

දැයක් අවදි කළ පොදු ජන මිතුරකු සිහිවී එයි කඳුළක් දෑසේ

මුදලට බලයට නොනැමුණු හදවත පොඩි මිනිසා ළඟ උනුවූවා

කිසිවිට තමුනගෙ අගයක් නොදැනම කුරැලකුසේ දිවි ගතවූවා

පවුලට කන්නට බත්පත නැතිවුව අනුනගෙ කුස ගිනි පිරවූවා

රජරට සේවෙට ලද ඒ මාරැව රජ ගමනක්සේ සැලකූවා

දම් පාටින් ලා සඳ බැස යද්දී මිලිනවු නුබ කුස මට සිහිවේ

තනිවී ඇති එක්ටැම්ගෙයි එළියෙන් අඳුර මකාලනු නම් බැරිවේ

උල ලේනකූගේ ශෝකී රාවෙන් සවනඟ දුක් ගීයක් මතුවේ

නින්දෙන් පිබිදී එනු මැන කොවුලනි පෙම් බැඳි හද තවමත් ලතවේ

චන්දන ගුණසේකර - එක්සත් රාජධානිය

උපාසකම්මා........

සසර කතරින් එතෙර වන්නට සිල් පුරපු පෝදා

බවුන් වැඩුවෙමි කෙලෙස් කුණු කඳ බුදු බණින් සෝදා

එහෙත් කෙලෙසක දමා යන්නද සිතට එයි බාධා

ගෙදර සිහිවී එන්ට හැරැනෙමි ඔවුන් සෙත සාදා

ලෙඩ ඇඳෙයි සැමියා ඔහු හට බෙහෙත් පෙව්වාද

පොඩි පුතා දඟයා බත් ටික හොඳින් කැව්වාද

රෙදි වැලේ දැම්මා වැස්සට කලින් ගත්තාද

කඩෙත් පොත පිරිලා හිඟ ණය ගිහින් දුන්නාද

මගේ පවුලම අනාථයි නොවැ ගියෝතින් වෙන්වී

සසර දුක් ගිනි නිවාලන්නේ කෙලෙසදෝ තනිවී

හිමියනේ නැත කිසිදු නිවනක් දිවිය ඇත සිරවී

ලබන පෝයෙත් නැවත එන තුරැ කමා කල මැනවී

චන්දන ගුණසේකර - එක්සත් රාජධානිය