Pages

Thursday 31 October 2013

හේනේ පැලේ තනි වී.......



Photo credit: agridept.gov.lk

 Photo credit: ironkettlefarm.com



පසලොස්වක ගෙවී දෙදොහයි ගත වූයේ
කිරි සඳ එළියේ අඩුවක් හෙම නෑ ආයේ
එනමුත් මගේ හද තුල ඇති සිත් යායේ
අමාවකයි නිතරම හොල්මන්පෑයේ
   
කුරහං පීදිලා සුලඟේ ළෙලදෙනවා
වට්ටක්කා වැලෙත් ලොකු ලොකු ගෙඩිඑනවා
වැටකොළු පතෝලත් මැහි වල වැජඹෙනවා
මෙදා කන්නේ මගෙ අටු කොටුඉතිරෙනවා
   
දහවල භෝග පක්ෂින්ගෙන් රැකගන්න
රෑ තුන් යමේ වණ සතුනවපන්නන්න
සීතල හිමේ මගේ මේ දුක දුරුවෙන්න
මේ තනි හිතට කවි සිතිවිලි පූදින්න
   
ඔබ කැන්දන් ඇවිදිල්ලාසුන්දරියේ
මේ පෝයට එක සතියයි ගතවුයේ
ගෙදර ඇඳේ ඉන්නා විට ඔබතනියේ
හේනේ පැලේ කෙලෙසක සැනසෙම්දරැයේ
   
කිසි දින නොදැණුනා මෙතරම්සීතලයක්
ගිනි මැල ගසා ඇති මුත් එහි නෑ අඩුවක්
ඔබ ළඟ යහනේ වැතිරී ඉන්නටපිරියක්
ඇතිවී හිත හඬයි වෙන මා කරනු කුමක්
   
හේනට නොආවොත් අටු කොටු හිස් වෙනවා
ඔබේ ගෙල රනින් වැසුමට මට බැරි වෙනවා
ආදර සිනා වා තලයට මුහුවෙනවා
රැවුලයි කැඳයි රැකුමට පැල වෙතඑනවා
   
කුරහං කපන තුරු මැණිකේඉවසන්න
එලවළු ටිකත් ළඟදිම හැක ගෙට ගන්න
ඒ හැම විකුණලා මසුරංඋපයන්න
වණ සතුරනේ මෙහාට නෑවිත් ඉන්න
   
ඩිංගිත්තක් මගේ ඇහැ පියැ වුනවිටදී
ඔබ මුව කමල සිහිනෙන් හද තුල උපදී
දෙණියේ ලිඳෙන් නා ගෙන හෙටදහවලදී
මා එමි පතිනියේ ඉනු හොඳැහින්කන්දී
   
   
Photo credit: flixya.com

Wednesday 30 October 2013

ශීත කළ එලැඹිලා....


Photo credit: aminddivided.com


ගස් කොළන් ඵල බරින්

පිරී ගිය වසන්තය...

සුවඳ දෙන නෙක මලින්

වැසී ගිය උයන් පෙත...

බිඟු නදින් මත් වෙලා

ගී  ගැයූ සැදෑ යම...

හිරැ රැසින් පන පෙවී

දිස්නේ දුන් සයුරැ තෙර...

ඇයිද අද ගොළු වෙලා

වෙන වෙනම ලෝක වල.....

අඳුර ඇත දැඩිවෙලා

සියළු එලි සැගැවිලා...

කාටනම් කියැනෙමුද?

තනි වෙලා අප සැවොම...

ඒත් මා ලබැඳියේ

එකක් නම් පැහැදිළිය...

ශීත කළ එලැඹිලා...

ශීත කළ එලැඹිලා........


හෙට......


සේයාරැව දෙව්නි ඒකනායකගෙනි.


බලා පොරොත්තුව දෑස පුරෝගෙන
හෙට දෙස බලනා පුතණුවනේ
ඔබේ දෙනෙත් තුල ප්රාර්ථනා මල් දස දහසින් පීදිලා තියේ
හැඟුමට නතුනොව බුද්ධිය ගුරැ කොට කටයුතු කෙරැවොත් අනාගතේ
ඔබත් දියුණු වී දැයට වැඩක් කොට බැබලිය හැක ඔය දෙනෙත් වගේ....

කවදද හිරු අපේ ලොවට වඩින්නේ....


සේයා රුව මුහුණු පොතෙන් උපුටා ගැනුනි.

මහ මඟ කවුරුවත් ළඟ නැහැපෙනෙන්නේ
වෙළදම් උනොත් පමණයි කුසපිරෙන්නේ
අඳුරට කළිනි පොත් පාඩම්කරන්නේ
කවදද හිරු අපේ ලොවටවඩින්නේ

මවකගේ පැතුම....


සේයාරැව මුහුණු පොතෙන් උපුටා ගන්නා ලදී.


නුඹේ නිවහන මෙය තමයි දුව

එපා ඒ ගැන නුඹ සිතන්නට

ගවුමේ රැලි ටික හොඳින් නැතුවට

පහළ ගඟුලින් සේදුවෙමි එය...

යන්න දියණිය අකුරැ කෙරැමට

පමා නොම වී තක්සලාවට

හෙට දිනේදී නුඹට හැකිවෙයි

මේ වලෙන් ගොඩවී දිලෙන්නට.....

Sunday 20 October 2013

කඳුළු...........






Photo credit: rapgenius.com

ඉපැඳුණ දා පටන් හැම හෙලනා කඳුළු
හද පිරි සෝ සුසුම් ලෝකෙට දෙන කඳුළු
කරුන කිම උවත් සංවේදියිකඳුළු
සමහරු බොරුවටත් වඟුරනවා කඳුළු
   
බිළිඳා කඳුළු වඟුරයි කුස ගිනි විටදී
මවගේ තුටු කඳුළු ඔහු කුස පිරි විටදී
දරුවකු හෙලන කඳුළැල් කොයිමොහොතකදී
උවඳ දෙමව්පියෝ වෙනවා සංවේදී
   
පියාගේ කඳුළු මවගේ මෙන් පෙනුනේනැත
හදවත හඬයි එකසේ පිට පනින් නැත
මව්පිය කඳුළේ අවංක කම පිරී ඇත
කඳුළු වලින් බැඳීම් තර වෙලා යත
   
සතුන්ගේ කඳුළු නොපෙනේ හැමටම එකසේ
හැගීම් බරිත ඔවුනුත් දුක් වෙයි සැමසේ
වාසිය පතා මිනිසුන් වඟුරන රහසේ
කඳුළු අඟය නැත පෙන්වූවත් දුකසේ
   
ළූණු කපන විට වුව ඇස් තෙත්වෙනවා
දූලි වැටුනමත් කඳුළැලිබේරෙනවා
වෙනකකු කඳුළු දුටුවත් නෙතු රතු වෙනවා
නමුත් සැබෑ කඳුළු හදින් නික් මෙනවා
   
ජීවත්වන විටදි පැත්තක් නොබැලුඅය
මිය ගිය දිනේ වඟුරති පියැවුමට ණය
ලෝකයාට පෙන්වන්නට කරනමෙය
විඟඩමක්ම පමනකි හැම දනිති එය
   
කඳුළු එක වගේ පෙනුනත් හැම විටම
පරිස්සමින් හැඳිනිය යුතු වෙයිඅපම
කඳුළෙහි අඟය නැතිවෙන්නට නොම හැරම
වැඟිරිය යුතුයි මොලයට තැන දී සැවොම

Friday 18 October 2013

දියණියනි මගේ..........


Photo credit: /weheartit.com

සුදු දියණියනි නුබ අප දිවියට ලැබිලා
පහලොස් වසක් ගොස් ඇත නොදැනිම ගෙවිලා
නුබ ලද දිනේ මගෙ හදවත තුල පිරිලා
ඉතිරුන පිය සෙනේ හැමවිට යයි වැඩිලා
   
නුබ කල දෑ සිහිවෙනවා සිඟිති වියේ
සුරතල් කිරි සිනාවෙන් ගේ පිරිලා ගියේ
මහන්සි වී ගෙට ගොඩ වන විටදි රැයේ
නුබ මුව කමල දැක්මෙන් හැම පහව ගියේ
   
මගෙ ලැම මත දිගාවී උණුසුමට නුබ
නිදනා විටදි බිම තැබුමට සිතෙයි ලොබ
පෙන්නා දෙමින් හැමවිට පැත්තක්ම සුභ
ටික ටික වැඩුණි කාගෙත් සුභ පැතුම් ලැබ
   
නුබ ගීතයක් ලියලා එය ගයද්දී
ගිටාරය වයා තව හැඩ දමද්දී
අම්මා එක්ක මා එය රස විඳිද්දී
උපන් කඳුළු සගවමි ඇස පෙලෙද්දී
   
මගෙ සුදු දුවේ මේ ඔවදන් අහගන්න
චරිතය නුබේ ජීවය මෙන් රැකගන්න
කිසිවිට දොසක් නැගුමට ඉඩනොතබන්න
සිහි බුද්ධියෙන් යුක්තව දිවි ගෙනයන්න
   
නුබ දැන් යුවතියකි හැම නෙත් සිත්බඳින
මට නම් සිඟිති දුවමයි මගෙ හද රැඳුන
ලෝකය හරිම දරුණුයි දුදනන්වසන
දිවි මගෙ කැප කරමි ඉන් නුබ රැක ගන්න

Thursday 17 October 2013

ඇයගේ නික්මීම............


Photo credit: stevegoode.blogspot.com

පොහෝ දා සඳ කිරණ කිරි මුහුද ගැලුවාසේ
පලාතම නහවලා සොඳුරු සිතුවමක්සේ
පිච්ච මල් සුවඳ මුසු මඳ පවනනිදහසේ
හමා යයි මුළු ලොවම නලවලාමදහසේ
  
සඳ එළිය සමඟ මුසු සඳ සිසිලපැතිරිලා
සොහොන් කොත් කිරි ගරැඬ මුවා සේදිලිසිලා
නිශාචර පක්ෂි කැල අතු පතර සැඟවිලා
සඳ සමඟ මා දෙසට නෙතු හෙලයි දුක්වෙලා
  
පෙර දිනේ ඔබ සමඟ දුටුවේ මේසඳමදෝ
අද හමන මඳ පවන ඒ දිනෙත්හැමුවදෝ
එදා මා අද්දරම ඔබෙ සුසුම්රැඳුනිදෝ
හැම ඇතත් මා අවට ඔබ කොහේගියාදෝ
  
කී දිනක් අප එකට සඳ එළිය දැකඇතිද
හමන මඳ පවන් සුව කොපමනක් විඳඇතිද
එහෙත් සඳ ඇගේ අඩුව ඔබට දැනිලානැතිද
මඳ පවන වියෝ ගී ගයනුවේකවදාද
  
සිඟිති පුතු මා අතේ සීතලටගුලිවෙලා
මගෙත් මුළු සියොලඟම වියෝවෙන්මිරිකිලා
කිසිත් මට හිතාගැනුමටත් තවබැරිවෙලා
පුතුව මා අතට දී ඔබ ගියාසැඟවිලා
  
කිසි දිනෙක පුතු උපත සමරම්ද මාකෙසේ
අපි තැනූ මාළිගා සුණු වෙලා ගොස්මෙසේ
පුතුව මම රැක ගනිමි ඔබේ නමත්දිලෙණසේ
ඉන් පසුව මමත් එමි ඔබේ ළඟටනිදහසේ

Wednesday 16 October 2013

බාල නඟා හා පොඩි මස්සිනා වෙත.....


Photo credit: salon.com

බාල නඟේ මහා ගෙදරට තනි රකින
අප මවු පියන්ගේ දුක සැප නිතිබලන
ඔබ මස්සිනා සමඟින් සැමදාකරන
අඟනා මෙහෙය වැනුමට මට නැතවචන
  
ඉන්න නිසා ඔබ මට ඇති බරඅඩුය
දුරු රට වසමි වෙන විකල්පයක් නැතිය
ළඟ සිට මව් පියන් බැලුමට ඇති පිරිය
සිහිනයක්ම පමණකි හැබැහින් බැරිය
  
දෙපා නොමැති පියාගේ වැඩ ඉටු කරමින්
මෑණියන්ගේ දුක සැප හැමවිට බලමින්
දරුවන් දෙදෙනාවත් හරි මඟ යොමු කරමින්
ඔබ දිවි ගෙවයි පින් කන්දක් කරමින්
  
පොඩි මස්සිනේ ඔබවන් අය සුලභ නැත
ඔබ කරනා කාරිය සුළු පටුද නැත
මා ළඟ නැති අඩුව ඔබ පුරවලා ඇත
මම ණය ගැතියි මල්ලියේ වෙන වදන් නැත
  
නුබ තනි වෙලා යැයි කිසිවිට නොසිතන්න
ගතින් ළඟ නැතත් හිත ඔහේ දැනගන්න
දෙමාපියන් හා ඔබ සැම දැක ගන්න
ළඟදිම ගෙදර එමි නංගියේ මා ඔන්න

Tuesday 15 October 2013

සුනඛයාණනි.........


වැඩ නැති සුනඛයා හට හෙමිහිට ගමනක්
නැත පැවසුවේ තතු හරියට නොදුටු කෙනෙක්
එනමුඳු සුනඛ වරිගය සලසන මෙහෙයක්
පෙන්වා දෙමින් හැදුවේ නම් නෑ පදයක්
   
අන්ධ අයට කන වැල අල්ලා දෙමිනේ
යුධ බිම බෝම්බත් සෙව්වේ ඉවෙන්මනේ
මත් කුඩු පැතිර යාමට වැට බඳිමින්නේ
කරණා සේවේ වටිනාකම නිම නෑනේ
   
සෙබළුන් බේරලා තම දිවි කැප කෙරුවා
පිට සක්වල ගමනටත් එදිනේ මුල පිරුවා
උන් හැම නමින් ස්මාරක ගොඩ නැඟුවා
උතුම් මිනිස් කැළ උන් නම සිහි කෙරුවා
   
එනමුඳු මේ ලොවේ ගුණවත් අය අඩුය
දුදනන් කරණ වැඩනම් හරි "බලු" වැඩය
හැම උන් ඇමතුවේ "බල්ලන්" කියමින්ය
අපේ සුනඛයට ඒ නම හරි නැතිය
   
මෑතක සිට අප නිවසේ වසන්නා
සුනඛ රජා "බෙන්ජී" නම් දරන්නා
එකටම අවදි වී එකටම සිටින්නා
වැඩ නිමවා එනවිට විත් පිළි ගන්නා
   
මා උදයේ රැකියාවට යන එසදේ
මගේ දරු පවුල පසු වෙනවා සුව නින්දේ
බෙන්ජී එනවා පසු පස හැමදාම උදේ
උගේ ඇස් වලින් පවසයි හද තුල ඇතිදේ
   
තිරිසන් ආත්මය ලැබුවත් නුඹ මෙලොව
නුඹ සතු ගුණ ඇතිද බොහෝ මිනිසුන්සතුව
හොඳ වැඩිවෙයි නුඹ විසුමට මේ පොලොව
මතු භවයේ ඉපැදේවා දෙව් ලොවම
   

Friday 11 October 2013

ධීවර ගීතය.......


බැලු බැලු අතේ මහා දියඹයි පෙනෙන්නේ
පොල් ගස් තරම් උස රළ ගෙඩි ගහන්නේ
සුළඟේ සැරට රුවලත් පණ අදින්නේ
දෙව් මෑණියනි අප පිහිටට වඩින්නේ
   
රළ පහරේ සැරට දිය ඔරුවේ පිරිලා
දැලි බැඳි ලන්තෑරුමේ එළියත් හීන වෙලා
මහා කරදියට අපෙ කඳුලත් එකතු වෙලා
පැදපං මස්සිනේ තව වීරිය යොදලා
   
මාළු අයින හමු වන තුරුපදින්නේ
ගසන හැම හඹල් පහරමවටින්නේ
විසිරෙන දියෙන් දරු පවුලයි පෙනෙන්නේ
වැඩියෙන් මාළු ඇම ගිල්ලොත් හොඳයිනේ
   
තෝරු මෝරු අපේ දැලටඅහුවෙනවා
පුංචි එවුන් අපේ දැලෙන් රිංගනවා
මුහුදෙදි ලොකු මාළු අපහට බියවෙනවා
වැල්ලෙදි ලොකු එවුන් අපහට ඔරවනවා
   
වැල්ලේ පැලේ නිදනා මගේ පෙම්බරියේ
හරියට දුටුවෙ නෑ එන විට කඩිමුඩියේ
ගොඩ බිම ළඟා වෙමි මම හෙට හිමිදිරියේ
ආ විට වැලඳ ගන්නෙමි ඔබ කිටි කිටියේ
   
   
Photo credit: abstravel.asia

Wednesday 9 October 2013

ඒකපාර්ශ්වික ප්රේමය...........


Photo credit: paulchong.net
නුවර වැව උඩින් මළ හිරු බැස යනවා
කැදලි කරා සියොතුන් පෙළ පියඹනවා
සුපුරුදු රැහැයි හඬ සවනඟ රැව් දෙනවා
මා සිත පාළුවේ හස්තෙන් මිරි කෙනවා
   
පහුගිය දිනේ මෙවැනිම සැන්දෑ වරුව
ගත කල අයුරු සිහි වෙයි සතුටින් යුතුව
ඔබගේ සුමුඳු අතැඟිලි පහසින් තුටුව
සිටි මා තනි වෙලා ඔබ නෑ මා සතුව
   
වැව් ඉවුරේ ගල් පොත්තක මාළඟම
හිටියා එදා අමතක කර මුළු ලොවම
ගොම්මං අඳුර වට පසුවත් සමු ගැනුම
බැරි වුන අයුරු මට සිහිවෙනවා තවම
   
මා නොමැතිව එක් දිනයක් වත් විසුම
කරනවා තබා ඒ ගැන නිකමට සිතුම
බැහැ කිව් ඔබම අමතක කර හැම පැතුම
මා හැර ගොසිනි පොඩි කර පිපි පෙම් කුසුම
   
මුළු ලෝකයම ඔබ ගැන බොහො දේ කිව්වා
එනමුඳු එක හදින් මා මගේ පෙම පිදුවා
මා දැනුවත්ව කිසි විට නෑ හිත රිදුවා
ඒත් ඔබ ගියා මහදේ දුක රඳවා
   
නියඟලා අලය වස බව මා දැන දැනම
පියකරු මලට පෙම් කෙරුවෙමි හැමවිටම
නටුවේ ඇතත් සම විද යන විස කටුම
තුරුලට ගතිමි මල විඳගෙන හැම රිඳුම
   
මා ඇදැහුවේ ඔබගේ වචනයපමණයි
මිරිඟුව හඹා ගිය බව දැන් මටවැටහෙයි
ඔබ පෙම් නොකල බව හොඳටම විශ්වාසයි
සිත මගේ හදා ගමි පසු තැවුමක් නොමවෙයි

Tuesday 8 October 2013

අනුරාධපුරය........

අනුරුධ ඇමතිගේ නාමෙන් පිඳුම් ලද
වීර විකුම් පෑ නරනිඳු පහස විඳ
සිංහල පොරණෙ තුන්වැණි අග නුවර සොඳ
අනුර පුරය නමැඳිමි ඔබෙ දෙපා වැඳ
   
නගරය මැදින් මල්වතු ඔය ගලා බසී
හමනා මඳ පවන් වැව් හා පොකුණු පිසී
ඉසුරුමුණියෙ පෙම් යුවලත් දකිනු රිසී
යන්නට අ'පුර අකමැති නම් කවුරුකිසී


  
එක් පසෙකින් නුවරවැවේදසුණපෙනේ
අනෙක් පසින් තිසා වැවේ සිසිල දැනේ
මහා කනදරා නාච්චාදූ වැව් පොරණේ
මහා රජවරු කල විස්කම් වල ඵලනේ


  
ජය සිරි මහා බෝධිය මහා මෙවුණා වේ
ලෝවා මහා පායත් පසෙකින් දිස් වේ
රත්නමාලි සෑ රජුනගෙ වට මළුවේ
පිය මැන යන්න ආසාවක් හිත ඇතිවේ


  
සමාධි බුද්ධ ප්රතිමාවේ ඉදිරි පිට
වාඩි වෙලා දැහැනට සම වැදුණ විට
ශුද්ධ නගරෙ පිස හමනා සුළඟ මට
ළඟා කරයි මනසින් තව් තිසාවට
   
ශුද්ධ නගරෙ යන විට නටබුන් අතර
මගේ සිතත් අතීතයට යයි නිතර
පොරණේ රජුන් කල කී දෑ වී නතර
බලා සිටිමි ඇති නම් නොම වෙයි මිතුර
   
වැවකින් හොඳින් දිය නා පිරිසිදු වීලා
අටමස්ථානේ සිත් සතොසින් වැඳ පුදලා
මිහින්තලේ කන්දත් තරණයකරලා
කර ගමු පිනක් යන තැනකට සෙත සදලා


All the photos have been taken from the web.
  

Thursday 3 October 2013

වීදියේ මල් වෙළෙන්දිය........


වාහන පෙරහැරේ එනවානංගියේ
නවතන හැඩක් නොපෙනේ මේ වංගියේ
මල් ටික විකුණුමට නොමදී හංදියේ
රතු එළියේ ඇයි නුඹ විගැහින් ගියේ
   
රතු පැහැ නිවී කොළ එළියක් මතුවෙනවා
නිමි රතු එළිය නුඹෙ මුහුණට රිංගනවා
දුහුවිලි වැදිවතේ ගෝමර ඇති වෙනවා
කළු දුම් වලාවෙන් හිසකේ රැලි වෙනවා
   
දවසම හිටන් සිට පා යුඟරිදෙනවද
දුහුවිලි වැදී නෙතු යුඟ කිතිකැවෙනවද
දුම් රොටු පිරී හුස්මත් හිරකරනවද
මලටත් කලින් නුඹ පරවී වැටෙනවද
   
යුඟලය පාවහන් හොඳටම ඉරී ගිය
මතු කරවයි රතු පැහැගත් සිහින් පය
වැරහැලි ඇඳුම් දුහුවිල්ලෙන් වැසී ගිය
පෙන්වා දෙවයි නුඹෙ අසරණ ජීවිතය
   
මල් වල නැවුම් බව රැකුමට පැන් ඉසිමින්
දුහුවිලි වදින්නට නොමදී රැක ගනිමින්
වාහනයක් නවතන තුරුඉවැසිල්ලෙන්
නුඹ ගෙන යන යුද්ධයෙ කෙලවරක් කොයින්
   
වෙළදම් උනත් නොවුනත් යලි හෙට එනවා
ඇවිදින් පුරුදු චරියාවෙම නියැලෙනවා
කොළ එළි දකින විට ඇස් දෙක රතු වෙනවා
මහ මඟ හංදියේ නුඹෙ හොඳ කල යනවා

Tuesday 1 October 2013

තිසා වැව් කොමළිය..........


Photo credit to srilankatoppicks.blogspot.com
තිසා වැව් තලය පිස එන මඳ පවන
ගත සිත පුබුදුවයි සිහි කරමින් නිවන
හිරු රැස් වැටී දිලිසෙන ජල කඳ රඟන
රැඟුමන් දෙවෙනි නැත මහා සයුරේ මැවෙන
   
දුටුවිට ඉපිද මිය යන ජල තරංග
සිහිකරනවා සිතුවම් මහා අනර්ඝ
සතුටින් ඉපිල දඟලන මාළුන් සමඟ
පිහිනා යන්න සිතෙනවා කරමින් තරඟ
   
විලියෙන් බරිත ළඳකගේ මුහුණේ පැහැය
වැටිලා රතුයි රඟදෙන මුළු ජල තලය
වැව් තාවුල උඩින් හිරු බසිනාවිඳිය
මන බඳිනා සිත්තමකට නම් හොඳය
   
දාගැබ් පෙළ පෙනේ මහා ජය ටැඹක් ලෙස
මාර ගස්ද ඇත රණ සෙබළුන්විලස
ඕළු නෙළුම් මල් ඇතිරුවා සේ පලස
සුලඟේ නටයි වැඩි කරමින් බිඟු පවස
   
පොරණේ රජවරුන් දිය කෙළියෙහි යෙඳුන
දහසක් ගොවි රජුන්ගේ කෙත් අස් වැදුන
ඉසුරැමුණිය අසබඩ රන් දිය පිරුන
තිසා වැව් කොමළි මුළු දැයටම අගන
   
රන් මසු උයණ දිස්වේ වැව පාමුළම
ඉසුරුමුණියේ පෙම් යුවලත් ඇත ළඟම
මහා පවුරක් සේ දිස්වන වැව් බැම්ම
දැක්මට යන්න හිතෙනවා මට මේ දැම්ම