Pages

Tuesday 24 September 2013

ජීවිතයට පාඩමක්.........


වෙළ ළඟ දෙණිය පාමුල ඇති මඩ         වඟුර
මහා වැසි වැටුන විට දිස් වෙයි සේ         සයුර
එහි රැස් කකා දඟලන තඩි ගෙඹි          අහුර
නංවන ශබ්ද පූජාවේ  රස                    මධුර

එක ගෙම්ඹෙකු ගසයි හරි තාලෙට       බෙරය
අනෙකා වයයි වීනාවෙන් එම              ස්වරය
ගායක කැලද වාදනයෙන් ලැබ              දිරිය
මියුරැ ගී ගයති යොදමින් හැම              විරිය

වැසි දින රාත්රිය උන්ගේ ජය             මඟුලයි
ගීත ගයා ප්රීතිය ඉහලින්                   සමරයි
මැදියම් රැයේ උන්ගේ රමණය             අරඹයි
පසු දින උදේ හා හූවක් නැති              තරමයි

මේ අයුරින් ජීවිත ගෙන යන                මිනිසුන්
පඩි පත ලැබුණු දින ගෙඹි රැල සේ      සතුටින්
ගයමින් නටති අහවර කර හැම          සතයන්
ඉන් පසු වසති වැසි නැතිදා සේ         ගෙඹියන්


4 comments: