කැළෑ මල්.........

සේයා රුව මා හිත මිත්ර සිවානන්දන් ඉලන්දීරන් ගෙනි.......

එකම ඉරක උණුසුම	විඳිමින්නේ
හැමටම පොඳු සඳෙන් සිසිල	ගන්නේ
අන් හැම මෙන් පොලොවෙනි මතු	වන්නේ
එහෙත් කිමද වෙනසක්	පවතින්නේ
සුවඳෙහි කිසිම අඩුවක් හෙම	දැනුණාද
පැහැයෙහි වෙනස්කම් වත් ඇස	ගැටුණාද
පෙති ටික සිනිඳු නැති බව වත්	හැඟුණාද
ඉපැඳුණු දේසේ නුඟුණක් වත්	ඇසුණාද
සිදාධියේ මල් ගැන මැත	දොඩවන්නා
මහා ඉහලින් නැති ගුණ කඳ	වපුරන්නා
ගම්මානය වල පල්ලට	දක්කන්නා
කැළෑ මලව උපන් ගෙයිම	වනසන්නා
කැළෑ මල් සුවඳ විඳිණට කෙනෙකු	නැත
පෙති වල පැහැය දැක්මට කවුරුවත්	නැත
සිනිඳු සුමුඳු බව කවුරුත් වින්ඳෙ	නැත
කාටත් හොරෙන් කැළයෙම පරවෙලා	යත
රට කරවන මහතුනි මෙය දැන	ගන්න
හැකිකම් සඟව මිලිණට ඉඩ	නොතබන්න
කැළයේ මල් සොයා වන්නිය වෙත	එන්න
නිසි තැන ලබාදී ඒ මල් රැක	ගන්න