අප හැර ගිය මහා සිනමාවේදී වසන්ත ඔබේසේකරයන් වෙනුවෙනි...

ඉපැදුණු කෙනෙකු දිනයෙක මියැදෙයි කියන
අනියත දහම නැවතත් සිහිකොට දෙමිණ
සිනමා අඹර දිදුලුණු පුන් සඳ පහන
සදහට නිවුණු බව දැනගන්නට ලැබිණ

ඔබ තැනු " දියමන්ති" සදහට දිස්නෙ දෙවයි
කවුරුත් කතා කෙරුවේ  " වෙස්ගත්තො" ගැනයි
" දඩයම" කටුක සත්‍යයකි ඉන් මහද දැවෙයි
" කැඩපත" මවන " ඡායා" වෙන් ඔබව පෙනෙයි

සිනමා රූපයෙන් පළකොට තම මතය
ඔබ පෑ විකුම් වින්ඳේ නැරඹූ නෙතය
වියදම් කොට දමා සතුවූ හැම සතය
නිමැවූ ඔබේ කෘති මියයන්නේ නැතය

ඔබ අද ගොසිනි අප දිනයක යන ගමන
අමතක වෙලා වාගෙයි නාමය මෙදින
නෙතු අග කඳුළු බේරෙයි මහදින් තැවුණ
පතනෙමි සුබ ගමන් සිත සනසා ගමිණ


අද වසන යොවුන් පරපුර ඔබ ගැන නොදන්නා නමුදු ඔබ අපේ ලොවේ නම් සදහටම මහා වීරයෙකි. ඉතිං මහා සිනමාවේදියාණෙනි, ඔබට සුබ ගමන්!